Trafiku Urban në Prishtinë ka bërë të ditur se duke filluar nga sot, do të qarkullojnë në të gjitha linjat sipas orarit të rregullt, nga ora 06:00 – 22:00.

Trafiku Urban po ashtu kërkon që gjatë udhëtimeve të vazhdohet të respektohen masat anti-COVID.

“Të nderuar qytetarë në bazë të vendimit të Qeverisë me Nr.01/41 të datës 23.10.2021, autobusët nga sot do të qarkullojnë në të gjitha linjat e TU sipas orarit të rregullt nga ora 06:00-22:00. Ndërsa kërkojmë mirëkuptim sepse jemi të obliguar ti zbatojmë këto masa të cilat kërkojmë t’i zbatoni edhe ju sipas pikës së vendimit: 53. Ndalohet hyrja në mjetet e transportit publik pa maskë. 54. Operatorët e transportit rrugor të udhëtareve lejohen të punojnë duke shfrytëzuar 50% të kapacitetit të ulëseve”, thuhet në njoftim.