KRU “Prishtina” thotë se janë në terren pas reshjeve të rrëmbyeshme

Kompania Rajonale e Ujësjellësit "Prishtina" ka njoftuar se janë në gjendje gatishmëri për mirëmbajtjen e rrjetit të ujësjellësit dhe kanalizimit në terren. Përmes Facebook, “Prishtina” shkruan se për shkak të gjendjes së krijuar, ekipet e monitorimit të cilësisë së ujit dhe prodhimit janë duke punuar në terren tërë kohën.

Prishtina është prekur nga reshje të shumta shiu pasditen e së dielës. Dhjetëra rrugë janë raportuar të bllokuara nga shiu, derisa komunikacioni është zhvilluar me vështirësi. Ka pasur raste kur është nevojitur ndihma e zjarrfikësve.