Një pjesë e Prishtinës gjatë ditës së sotme do të mbetet pa ujë, pasi do të realizohen disa punime teknike, ka njoftuar KRU Prishtina.
KRU Prishtina ka thënë se do të bëhet ndërrimi i gypit të ujit në rrugën “Llapi” në Prishtinë. Konkretisht, do të realizohen punimet në kyçjen e gypit me diametër fi 200 mm.
“Andaj, njoftojmë konsumatorët e rrugës ‘Haxhi Zeka’ dhe rrugët përreth deri në lagjen Kolovica, se do të kenë ndërprerje të furnizimit me ujë të pijshëm duke filluar nga ora 10:00 deri në orën 17:00”, thuhet në njoftimin e KRU Prishtinës.
