Gjobitet me 100 euro qytetari që tentoi ta heqë me kazmë pengesën në shtegun për biçikleta
14:36
Gjobitet me 100 euro qytetari që tentoi ta heqë me kazmë pengesën në shtegun për biçikleta
Qytetari që ka tentuar me kazmë ta heqë njërën nga pengesat e vendosura përgjatë shtegut të biçikletave në Dardani, është gjobitur me 100 euro.
Adonis Tahiri, drejtor i Inspekcionit në Komunën e Prishtinës, në llogarinë e tij zyrtare në Facebook ka vendosur foto të dënimit që i është shqiptuar këtij qytetari.
“Çdo dëmtim ose tentim dëmtimi i pronës publike dënohet! Njëjtë sikur në këtë rast! Pengesa e verdhë mbeti aty ku e ka vendin, në shtegun për biçikleta!”, ka shkruar ai.
Videon e qytetarit duke u munduar ta heqë pengesën e kishte postuar edhe kryetari i Prishtinës, Shpend Ahmeti.
“Pse mor vlla? Çka po të pengon? Goxha ndërmarrje me gjet kazmën e me u mundu me prish diçka. A pe sheh që je në kamerë tash? A e din që është vepër penale kjo?” kishte shkruar ai në Facebook.
13:19
Qytetari me kazmë tenton ta heqë pengesën e vendosur në shtegun për biçikleta
Një qytetar me kazme është parë duke tentuar ta heqë një nga pengesat e vendosura përgjatë shtegut të biçikletave në lagjen “Dardania” në Prishtinë.
Këtë video e ka postuar në Facebooku edhe kryetari i Prishtinës, Shpend Ahmeti.
“Pse mor vlla? Çka po të pengon? Goxha ndërmarrje me gjet kazmën e me u mundu me prish diçka. A pe sheh që je në kamerë tash? A e din që është vepër penale kjo?” – ka shkruar Ahmeti në Facebook.
Pse mor vlla? Çka po të pengon? Goxha ndërmarrje me gjet kazmen e me u mundu me prish diçka. A pe sheh qe je në kamerë tash? A e din që është vepër penale kjo?
