Hudhra e njohur si një nga përbërësit kryesor në kuzhinë luan një rol të jashtëzakonshëm edhe në tualet.
Duket se hudhra po shërben shumë mirë edhe jashtë kuzhinës pasi që po përdoret për të larguar aromat e pa këndshme në tualet.
HouseDigest ka shkruar për mënyrën se si duhet përdorur ajo në tualet. Një thelb i hudhrës duhet të hedhet në guacë e të lihet ashtu gjatë tërë natës. Hudhra do të lirojë aromën e saj natyrale që vjen nga një substancë që ajo përmban e quajtur allcin. Kjo substancë është e njohur për vetitë antimykotike dhe antibakteriale. Këto komponime përdoren për të larguar aroma të pakëndshme duke bërë tualetin me aromë më të freskët në mëngjes.
Duke përdorur hudhrën për të larguar aromat e këqija largohen edhe agjentët e pashëndetshëm që vijnë prej preparateve të pastrimit. Kjo gjë kontribuon edhe ekonomikisht.
Çaji i hudhrës gjithashtu po tregohet efektiv në largimin e njollave nga guaska e tualetit.
Duhet vetëm të prehen disa thelpinj hudhër në grimca të vogla e t’u hidhet ujë i nxehtë dhe të lihen për rreth 15 minuta të pushojë. Pasi të bëhet çaji duhet të hidhet mbi njollat teksa kontribuon që ato të zbehen. Sulfuri që përmban hudhra i njohur për veti antibakteriale dhe pastruese largojnë njollat pa përdorimin e kimikateve të rënda.
Përgatiti: Vita Abrashi - Kajtazi
© KOHA. Të gjitha të drejtat janë të rezervuara.
