Njerëzit me probleme gjumi në rrezik më të madh për infarkt
Shkencëtarët në SHBA kanë gjetur se njerëzit me një ose më shumë simptoma të pagjumësisë kanë 16% rrezik të shtuar të zhvillojnë probleme shëndetësore, krahasuar me ata pa simptoma.
Ata kanë thënë se lidhja ishte më e fuqishme te pjesëmarrësit nën 50 vjeç, ku ata me 5-8 simptoma kishin afër katër herë më shumë gjasa të përjetonin një infarkt, shkroi Guardian.
“Ka shumë terapi që mund t’i ndihmojë njerëzit të përmirësojnë gjumin, kështu që përcaktimi se cilat probleme të gjumit çojnë në rrezik infarkti mundëson trajtime të mëhershme për njerëzit që kanë probleme me gjumin, duke reduktuar rrezikun për infarkt në jetën e tyre”, ka thënë Wendemi Sawadogo, autor i studimit.
Studiuesit thanë se personat me pesë deri në tetë simptoma të pagjumësisë kishin 51% rritje të rrezikut për infarkt.
