Ecja për vetëm disa orë në javë mund t’ju rrisë tolerancën tuaj ndaj dhembjes, thuhet në një studim, raporton “The Sun”.
Rritja e stërvitjeve mund të ju reduktojë se sa duhet të vareni nga ilaçet kundër dhembjes për çështjet si dhembjet e kokës apo të shpinës, thonë hulumtuesit norvegjezë.
Aktiviteti fizik ka efekt të ngjashëm në tru sikurse ilaçet si morfina, ndonëse në sasi më të vogla, thonë hulumtuesit.
Kjo nënkupton se edhe lindja e fëmijës mund të jetë me më pak dhembje për një grua që ushtron – ndonëse shkencëtarët thonë se duhen hulumtime të mëtutjeshme.
Autori Anders Arnes, nga Spitali Universitar i Norvegjisë Veriore, thotë: “Aktiviteti i vazhdueshëm fizik mund të ju sjell përfitime sa i përket tolerancës ndaj dhembjes. Çfarëdo që bëni, me rëndësi është që të bëni diçka”.
Studimi, i publikuar në “PLOS ONE”, ka analizuar të dhënat e 10.732 të rriturve në dy anketa nga viti 2007 deri më 2008 dhe nga viti 2015 deri më 2016.
Ata u pyetën se sa stërviten dhe ju testua toleranca ndaj dhembjes, duke u vendosur duart në ujë të ftohët.
Nivelet e stërvitjeve u ndanë në katër grupe. Një grup ishte me njerëz që nuk stërvitin, një tjetër me njerëz që stërvitin lehtësisht, që bëjnë katër orë në javë apo më tepër ecje apo çiklizëm.
Në një grup tjetër ishin ata që luanin tenis apo merreshin me kopshtari për një kohë më të gjatë, duke i klasifikuar si persona me ushtrime mesatare.
Pjesëmarrësit që bënin katër orë stërvitje në javë apo gara sportive u klasifikuan si persona që ushtrojnë fortë.
Të gjithëve u krahasua toleranca ndaj dhembjes me personat që bënin stil të jetës pa ushtrime.
Pjesëmarrësit që kishin rrisin nivelin e stërvitjeve në vitin 2015 deri 2016, krahasim me atë 2007 deri 2008, po ashtu kishin një nivel dukshëm më të lartë të tolerancës ndaj dhembjes.
Hulumtuesit dolën në konkludim se stërvitja ju ndihmon të zbusin apo largoni dhembjen kronike.
© KOHA. Të gjitha të drejtat janë të rezervuara.
