Lifestyle

Grupet e gjakut dhe lidhja e tyre me sëmundje të caktuara

Për vite me radhë shkencëtarët kanë qenë skeptikë ndaj idesë se grupi i gjakut mund të ndikojë fort në predispozitën e sëmundjeve të caktuara. Megjithatë, shumë studime të kohëve të fundit kanë treguar se grupi i gjakut bën njerëzit më të predispozuar ndaj një sëmundjeje të caktuar.

Për më tepër, është pikërisht grupi i gjakut që mund të luajë rol mbrojtës ndaj tyre.

Studiuesit në Universitetin e Pensilvanisë arritën në këtë konkluzion pasi analizuan të dhënat e mbi 20,000 pacientëve.

Studimi i cili do të publikohet së shpejti në revistën Lancet ka nxjerrë në pah fakte interesante. Për shembull, njerëzit që në organizmin e tyre kanë genin specific Adamts7 janë më të rrezikuar nga një atak në zemër.

Nga ana tjetër, njerëzit me grup gjaku 0 që kanë në organizëm genin e lartpërmendur nuk përballen aspak me këtë rrezik.

Grupet e gjakut të njeriut dhe sëmundjet

Grupi i gjakut të njeriut përcaktohet nga genet e trashëguara prej prindërve.

Gjaku i njeriut kategorizohet në grupet A, B, AB dhe 0.

Ajo që bën dallimin në secilin prej grupimeve është një substancë e quajtur antigen.

Kjo substancë shërben edhe si sistem për mbrojtjen e imunitetit.

Çdo grup gjaku ka pikat e veta më të forta kundër sëmundjeve të caktuara por edhe dobësi të mëdha. Ekspertët suedezë kanë analizuar të dhënat e mbi një milionë njerëzve.

Ata kanë arritur në konkluzionin se njerëzit me grup gjaku A mund të jenë më të brishtë ndaj sëmundjeve gastrike.

Ndërkohë ata me grup gjaku 0 mund të jenë më të prirur të preken nga ulçera peptike.

Gratë me grup gjaku 0 kanë një numër të ulët dhe cilësi të dobët të vezëve, gjë që ndikon në gjasat e një shtatzënie.

Një studim tjetër i universitetit të Harvardit , zbuloi se gratë që kanë një grup gjaku B apo AB janë më të rrezikuara nga problemet me vezoret.

Burrat me grup gjaku 0 janë më të prirur të shtojnë në peshë dhe të jenë obezë.

Sëmundjet e zemrës

Një studim i universitetit të Vermontit ka zbuluar se njerëzit që nuk kanë grup gjaku 0 janë 60-80 për qind më të rrezikuar nga tromboza.

Grupet e gjakut, A, B dhe AB janë më të rrezikuar nga sëmundjet e zemrës se grupi 0.

Problemet me kujtesën

Studimet e lartpërmendura kanë zbuluar se njerëzit me grup gjaku AB janë 82% më të prirur të vuajnë nga problemet me kujtesën dhe të menduarit.

Një gjë e tillë mund të nxisë shfaqjen e sklerozës.

Për sëmundjet e caktuara ndikojnë edhe shumë faktorë të tjerë gjenetikë, mjedisorë apo personal.

Grupet e gjakut janë ende nën vëzhgimin e studiuesve për sa i përket lidhjes së tyre me sëmundje të caktuara./Agroweb.org