Përafërsisht një e treta e të rriturve në Amerikë e konsumojnë të paktën një multivitaminë për çdo ditë, sipas një studimi të vitit 2018 nga revista “Nutrients”. Deri tani, ky është suplementi dietik më i popullarizuar.
E megjithatë, shumica e njerëzve nuk dinë shumë rreth mënyrës sesi çdo shumë përbërës ndikon në jetën e tyre të përditshme dhe në shëndetin e të gjithë trupit. Ndërsa përfitimet e multivitaminave janë të mëdha, ato gjithashtu mund të kenë një efekt të padëshirueshëm në gjumin tuaj (në varësi të kohës së ditës që i merrni dhe biologjisë individuale).
Pse multivitamina mund t’ju mbajë zgjuar gjatë natës?
Është e vërtetë, multiltivitaminat mund të ndikojnë në aftësinë për të rënë ose për të qëndruar në gjumë, nëse e konsumoni atë shumë afër kohës së gjumit. Kjo është për shkak të përfshirjes së mineraleve thelbësore (hekurit, magnezit, etj.) dhe vitaminave, veçanërisht vitaminës C dhe vitaminave B. Kjo familje e fundit e lëndëve ushqyese të tretshme në ujë, vitaminat B, mund të ketë një efekt energjik në trurin dhe sistemin nervor veçanërisht nëse ju mungojnë vitaminat B në dietën tuaj.
Pra, për ata që mendojnë se multivitamina po i bënë më energjik, sigurohuni që ta merrni atë në mëngjes ose drekë, për t’u siguruar që do të jeni në gjendje të flini më vonë në mbrëmje.
Gjithashtu vlen të përmendet se ndërsa vitaminat B janë të tretshme në ujë (së bashku me vitaminën C), vitaminat e tjera thelbësore që i gjeni në një multivitaminë, d.m.th. vitaminat A, D, E dhe K, janë të tretshme në yndyrë. Kjo do të thotë se ato përthithen më mirë kur merren me një vakt që përmban pak yndyrë. Konsideroni të shtoni avokado, vaj ulliri, vaj kokosi ose një yndyrë tjetër të shëndetshme në mëngjesin ose drekën tuaj, për t’u siguruar që të gjitha lëndët ushqyese në multivitaminën që po e konsumoni të jenë të disponueshme dhe të gatshme për t’u përdorur nga trupi.
Marrja e një multivitamine është një mënyrë e thjeshtë për t’u siguruar që po I merrni të gjitha vitaminat (përfshirë B-të bioaktive) dhe mineralet që ju nevojiten në baza ditore për ta mbështetur shëndetin e të gjithë trupit.
Disa multivitamina madje janë krijuar për të ofruar përfitime shëndetësore të synuara, siç është promovimi i jetëgjatësisë.
© KOHA. Të gjitha të drejtat janë të rezervuara.
