Të fjeturit herët çdo mbrëmje ka një numër benefitesh për trupin e njeriut. Ekspertët kanë radhitur një varg benefitesh, ndërsa këtu janë përzgjedhur pesë kryesoret, shkroi Healthline.
Ekziston një lidhje mes kohëzgjatjes së shkurtër të gjumit dhe shtimit të peshës. Shkencëtarët thonë se sa më shumë që të privoheni nga gjumi, aq më shumë nuk do të jeni në gjendje të humbni peshë. Kur vuani nga mungesa e gjumit, nuk do të ndiheni energjetikë për të ushtruar apo për të ngrënë shëndetshëm. Për më tepër, të qëndruarit deri vonë, mund të bëjë që të ushqeheni me ushqime të pashëndetshme.
Ulen shanset për t’u sëmurë
Një nga mënyrat më efektive për të mos u sëmurur është të flini në kohë. Mungesa e gjumit nuk ndikon vetëm në sistemin imunitar, por gjithashtu përcakton se sa shpejt mund të shëroheni kur të sëmureni. Kur bëni gjumë të mjaftueshëm, sistemi imunitar është i fortë për t’i luftuar sëmundjet virale ose infektive. Nëse flini në kohë dhe zgjoheni herët për të ngrënë mëngjes të shëndetshëm, para orës 08:30, shëndeti juaj do të jetë në nivel.
Ulet rreziku nga sëmundjet kronike
Pos të ngrënit si duhet dhe ushtrimeve, fjetja e bollshme është po aq e rëndësishme për të ulur rrezikun nga zhvillimi i disa sëmundjeve kronike, si diabeti, sulmet në tru ose presioni i lartë i gjakut. Kur jeni duke fjetur, trupi juaj punon drejt riparimit të enëve të gjakut, zemrës dhe trurit, në mënyrë që t’ju parandalojë nga këto sëmundje kronike. Nëse nuk flini mjaftueshëm, këto organe fillojnë të përkeqësohen, duke çuar në probleme të mëdha shëndetësore.
Do të jeni më produktivë
Pamundësia për t’u fokusuar në një dëtyrë ose problematikë është shenjë e qëndrimit të gjatë gjatë natës së kaluar. Kjo ndodh kur humbet koha e rregullt e gjumit dhe trupi së bashku me trurin nuk mund të funksionojnë si duhet. Një studim ka nxjerr rezultate se ata që flenë herët, në mëngjes janë më produktivë dhe më të fokusuar.
Mund të ndiheni pozitivë
Sa më pak të flini, aq më shumë do të jeni në depresion. Njerëzit që qëndrojnë zgjuar natën vonë, kanë më shumë gjasa ta kenë të menduarit negativ më të lartë, në krahasim me ata që flenë herët. Studiuesit pohojnë se zvogëlimi i kohëzgjatjes dhe ndërprerja e gjumit janë të lidhura në rritjen e mendimeve pesimiste. Psikologët në anën tjetër, këshillojnë që të mbahet një rutinë e duhur e gjumit, që të japë mendje të qartë për t’u përqendruar në problemet tuaja.
© KOHA. Të gjitha të drejtat janë të rezervuara.
