Pritet rënie drastike e çmimit të verër

Pritet rënie drastike e çmimit të verër

19 February 2020 09:21

Çmimi i verës pritet të bjerë në nivelet e tij më të ulëta në pesë vjet, falë, pjesërisht, tepricës së rrushit në Kaliforni. Kombinuar me një ulje të kërkesës për verë, dashamirësit e kësaj pije mund ta përfitojnë atë me një kosto shumë të ulët këtë vit, fenomen që pritet të zgjasë deri në tre vjet.

Rob McMillan, themeluesi i Divizionit të Verës në Silicon Valley Bank dhe autor i raportit vjetor të Shtetit për industrinë e verës, parashikon që konsumatorët e verës në SHBA do të shijojnë “vlerat më të mira të shitjes me pakicë të verës në 20 vjet”.

Vreshtat në Kaliforninë Veriore filluan të mbilleshin me mijëra hektarë rrushi të rinj në vitin 2016, dhe me metoda më të efektshme të vjeljes, pritet që të përfitohet një sasi më e madhe se më parë. Të kesh më shumë rrush për ta bërë më shumë verë është mirë, por nëse nuk ka kërkesë të mjaftueshme për të mbështetur prodhimin e rritur, rrushi i tepërt humbet.

Jeff Bitter, presidenti i aleatëve të rrushit Allied, i tha CNN se është e mundur që rrushi i tepërt të ndihmojë tregun sekondar, ku ato të mund të përdoren për raki ose si koncentrat rrushi. Por ai treg zakonisht nuk siguron kthime të qëndrueshme për kultivuesit.

“Meqenëse duhen pesë vjet për të sjellë verë në treg nga fazat fillestare të planifikimit të mbjelljes së një vreshti, kjo e bën parashikimin e kërkesës së ardhshme shumë të komplikuar. Në këtë rast, ne e mbingarkojmë kërkesën.” Për ta rikthyer tregun në ekuilibër, kultivuesit e Kalifornisë do të duhet të zvogëlojnë prodhimin e hektarëve të hardhive.

Konsumi i verës ka rënë për herë të parë në 25 vjet, me më shumë amerikanë që kthehen drejt koktejeve alkoolike dhe gjysmë të gatshme, sipas grupit të industrisë IWSR/CNN/ SCAN

Komentet

Shto koment

Të ngjashme