Lifestyle

Disa nga simptomat që tregojnë se mund të kemi gurë në veshka

Foto: Ilustrim

Gurët në veshka ekstraktohen në urinë, por ndonjëherë ndodhin në vendet ku ato janë të vështira për t’u nxjerrë.

Pjesë më të mëdha mund të bllokojnë rrugën e urinës, ndërsa dhimbja është, sipas disa studimeve, më e rëndë se lindja.

Sidoqoftë, ka raste të gurëve në veshka që nuk shkaktojnë çrregullime tipike, por simptoma të fshehura, derisa të ndodhë infeksioni ose funksioni i dëmtuar i veshkave.

Në vijim ju sjellim disa nga këto simptoma:

Gjakderdhje

Guri shkakton dëmtim të indeve që e rrethojnë, kështu që gjakderdhja është një dukuri e pashmangshme. Ndonjëherë është plotësisht e qartë, por më shpesh zbulohet vetëm përmes analizës së urinës. Urina mund të jetë plotësisht e kuqe ose me ngjyrë kafe të errët.

Temperaturë

Një nga simptomat e gurëve në veshka janë ethet. Kjo ndodh shpesh kur një infeksion ka ndodhur në afërsi të tij ose kur një gur bllokon rrugën e urinës. Kur antibiotikët nuk janë shumë të dobishëm, përdoret metoda ultrasonik për thyerjen e gurit.

Dhimbje në ije

Mund të ndihet në shpinë, ije. Gurët në veshka te burrat shkaktojnë dhimbje në testise ose organ gjenital. Dhimbja zgjat rreth një minutë, dhe vjen duke u qetësuar.

Ndjenja e djegies

Nëse ndjeni siklet gjatë urinimit, mund të jetë një nga simptomat e gurëve në veshka. Dhimbja ndjehet më shpesh kur një gur gjendet në uretre dhe lëviz në fshikëz. Ndonjëherë dhimbja është një simptomë e një infeksioni të traktit urinar, por patjetër që duhet të kontrolloni veshkat.

Urinim i shpeshtë

Guri irriton muret e fshikëzës, të cilat vihen në ngërçe për shkak të acarimit, gjë që shkakton nevojën për të urinuar. Simptoma shfaqet në varësi të vendit ku ndodhet guri. Nëse një gur është formuar afër fshikëzës, personi do të ketë një nevojë të vazhdueshme për të shkuar në tualet./kosovapress/