Edhe një sasi e vogël e mishit të kuq dhe produkteve të tij, të tilla si një proshutë e përditshme, mund të rrisin rrezikun e kancerit të zorrës së trashë, sipas një studimi të fundit të Universitetit të Oksfordit.

Një studim i financuar nga Organizata Britanike për Kërkimin e Kancerit tregon gjithnjë e më shumë prova për dëmin e mishit të kuq, me pretendime të ngjashme nga Organizata Botërore e Shëndetësisë.

Hulumtuesit analizuan të dhënat e rreth gjysmë milioni njerëzve, nga të cilët 2,660 prej tyre kanë qenë të prekur me kancer të zorrës së trashë për gjashtë vjet, raporton BBC.

Bazuar në të dhënat, shkencëtarët kanë arritur në përfundimin se konsumi i tri rriskave të proshutës në ditë mund të rrisë rrezikun e kancerit deri në 20 për qind.

Përveç kësaj, për çdo 10.000 njerëz në ditë duke ngrënë 21 gramë mish të kuq ose produkte të tij, 40 prej tyre janë prekur me kancer të zorrës së trashë. Në rastin e atyre që hanë 76 gramë të së njëjtës sasi mish në ditë, ky numër është rritur për 48 vetë.

Një numër i organizatave publike shëndetësore në Britani të Madhe dhe vendet e tjera perëndimore kanë këshilluar për vite të hanë më pak mish të kuq dhe produkte të tij.

Ministria britanike e Shëndetësisë rekomandon njerëzit të hanë 90 gramë mish në ditë.

Nga ana tjetër, ka pretendime se mishi i kuq ka anët e mira, të tilla si përmbajtja e lartë e hekurit dhe proteinave që duhet të merren parasysh gjatë vlerësimit të rrezikut potencial.

Produktet e mishit si proshutë, sallam, përpunohen në mënyrë që jeta e tyre e ruajtjes të zgjatet dhe aroma të përmirësohet duke shtuar kripë dhe konservues. Ekspertët, megjithatë, ende nuk janë mjaft të sigurt se çfarë saktësisht në mishin e kuq rrit rrezikun e kancerit./ksp