Sipas psikologut Fitim Uka, mësimet mekanike dëmtojnë seriozisht fëmijët.

Në Talk të KTV-së ai ka thënë se Kosova ka kopjuar modele të mira të arsimimit, por s’i ka përshtatur mirë me nevojat që ka në vend.

Si rrjedhojë e mospërshtatjes, sipas tij, kanë ardhur edhe rezultatet si në PISA.

Sipas Ukës, nuk ka cilësi më të dobët të prindërimit se krahasimi i fëmijëve

Në emisionin Talk në KTV ku i ftuar ishte psikologu Fitim Uka, u diskutua edhe për krahasimin mes fëmijëve, se si ndihen ata shpirtërisht kur krahasohen me moshatarët e tyre dhe kur të rriten a do të sillen si prindërit e tyre duke i marrë si pikë referuese.

Sipas tij, nuk ka cilësi më të dobët të prindërimit se krahasimi i fëmijëve.

Krahasime bëhen brenda familjes, brenda klasës e shkollës. Por ajo që mëson psikologjia është se njerëzit janë unikë dhe secili gëzon veçoritë e personalitetit të tij.

Sipas Ukës, krahasimet që bëjnë edhe mësimdhënësit ndikojnë shumë negativisht te fëmijët dhe i demotivon në mësim e në jetë të përditshme.

Ai ka thënë se të gjithë fëmijët janë inteligjentë në një formë apo tjetrën. Prindërit apo mësimdhënësit duhet t’i dallojnë cilësitë dhe talentin te fëmijët dhe t’i vënë në pah cilësitë. Për këtë, sipas Ukës, mjafton komunikimi dhe të gjendet kanali i duhur.

Pse ajo që s’është e jona na pëlqen më shumë

Këtë javë mysafir në emisionin Talk të KTV-së ishte Fitim Uka, drejtor i Qendrës për Hulumtime Psiko-Sociale dhe Mjekësore për të trajtuar temën “Nga pamjaftueshmëria drejt përmbushjes, sfidat e njeriut të sotëm”.

Uka ka theksuar se përmbushja e një motivi nxit një motiv të ri.

Uka ka treguar se si kur një person lakmon në një punë, status, apo pronë të dikujt tjetër, edhe nëse e arrin këtë dikur do të kuptojë se “i bie rëndësia” dhe fillon lakmimin e diçkaje të re. Kjo sipas tij ka edhe një aspekt pozitiv.

Për më shumë ndiqeni videon në vazhdim: