Amerikani e bleu skulpturën për 39 dollarë, tash po e shet për 2000
Një burrë e bleu një skulpturë për 39.99 dollarë në një dyqan ushqimesh në Alabama të Shteteve të Bashkuara të Amerikës, por tash ajo po nxirret në ankand për 2000 dollarë.
Upi ka shkruar se Shannon Manthey doli në dyqan dhe kur vuri re skulpturën e një luleje me degë manjole, e njohur që ishte vepër e Frank Flemingut dhe vendosi të blinte pasi edhe çmimi ishte tejet i ulët.
Në pjesën e poshtme të veprës shihej nënshkrimi i artistit që vdiq në 2018-n, por Manthey tha se do të nxirrte në shitje veprën origjinale.
“Fleming punoi kryesisht në bronz, një material që e lejoi atë të kapte detajet e shkëlqyera të subjekteve të tij, duke siguruar jetëgjatësinë e skulpturave të tij”, thuhet në njoftimin e ankandit vjetor.
