Një qytetar e ka dorëzuar në Stacionin Policor në Pejë një kuletë të cilën e kishte gjetur në rrugë.

Policia e ka falënderuar për veprimin dhe “nivelin e lartë të përgjegjësisë qytetare”, duke apeluar te të tjerët që të bashkëpunojnë me Policinë në raste të tilla.

Të enjten, në Polici ishte paraqitur personi që i kishte humbur kuleta, ku në atë kohë edhe qytetari tjetër kishte shkuar për ta dorëzuar atë.

“Më datë 08.06.2023, rreth orës 19:30, nё Stacionin Policor nё Pejё, ka ardhur qytetari i cili deklaron se sot gjatё ditёs i kishte humbur kuleta me dokumente personale dhe para nё shumen prej 600 euro. Deri sa ishte duke raportuar rastin nё Stacionin Policor nё Pejё, ёshtё paraqitur qytetari i cili e ka gjetur kuletёn nё rrugё, dhe tё njëjtën e ka sjellur nё Polici. Kuleta sё bashku me dokumente dhe paratë qё i kishte nё kuletë iu janë kthyer qytetarit (vikimёs)”, njoftoi PK-ja.