Vetura “Ford” e Princeshës Diana shitet në ankand për mbi 750 mijë dollarë
Një makinë e vogël e përdorur nga Princesha Diana në vitet 1980 u shit për më shumë se 750,000 dollarë në një ankand britanik të shtunën, pas një lufte të tensionuar ofertash midis blerësve të mundshëm nga Britania e Madhe dhe jashtë saj.
Ofeta të zhurmshme pati për Ford Escort RS Turbo Series 1 i zi.
Ankandi në qarkun e garave Silverstone u fitua përfundimisht nga një ofertues britanik, identiteti i të cilit nuk u zbulua.
Vetura e zezë e cila është unike për shkak se mendohet të jetë Fordi i vetëm i tillë i zi, është përdorur nga princesha për dalje të rastësishme me të cilin është parë shpesh në lagjet luksoze të Londrës, Chelsea dhe Kensington kur ajo e zotëronte atë midis viteve 1985 dhe 1988, tha Silverstone Auctions, e cila menaxhoi shitjen, në një njoftim për shtyp para shitjes.
Diana përdori një flotë automjetesh luksoze për angazhime zyrtare, por preferoi të drejtonte Ford-in modest për detyra personale, tha Silverstone në njoftimin e tij.
Javën e ardhshme bëhen 25 vjet që kur Diana vdiq, në moshën 36-vjeçare, kur limuzina në të cilën ajo ishte pasagjere u përplas në një tunel të Parisit, derisa po largohej me shpejtësi nga paparacët të cilët po e ndiqnin me motoçikleta.
