Shkencëtari Allen Pan ka ndërtuar një skelet me këmbë protetike për gjarpërinjtë që t’i bëjë ata të ecin sërish.

Pasi bëri kërkime mbi biologjinë e gjarpërinjve, ai zbuloi se ata kanë këmbë sa janë në embrion por më pas kur rriten ato shndërrohen në organe riprodhuese.

Megjithatë, ekziston një lloj hardhuce me këmbë që i përngjan më së shumti një gjarpri me këmbë.

Pan tha se gjarpërinjtë e deformuar janë neglizhuar për shumë kohë nga njerëzit dhe se ai e kishte marrë detyrën që ta ndihmonte specien e tyre.

“Ndihem keq për gjarpërinjtë. Ata kanë humbur këmbët dhe askush nuk po tenton t’i gjejë ato”, tha ai.

Pan ka një llogari në Youtube që numëron gati 2 milionë ndjekës dhe ku publikon krijime të tij.