Ka shumë vende të pazakonta në planetin tonë, dhe një prej tyre është ishulli japonez Okinoshima, ku gratë janë rreptësisht të ndaluara të hyjnë.
Ishulli i vogël, i vetmuar, rreth 60 kilometra nga qyteti i Munakata, në prefekturën jugore të Fukuoka, është shtëpia e faltoreve të fesë Shinto, feja më e madhe japoneze, që daton në shekullin e 17-të. Por tradita dhe ritualet e kryera në ishull janë edhe më të vjetra, që datojnë në shekullin e 4-të, kur Okinoshima u bë një vend ku njerëzit luten për udhëtime të sigurta.
Vendet arkeologjike të ruajtura në ishull janë praktikisht të paprekura dhe ofrojnë një regjistrim kronologjik se si ndryshuan ritualet e kryera atje nga shekulli i 4-të në shekullin e 9-të.
Këto rituale, megjithatë, nuk u ndoqën kurrë nga gratë. Edhe pse ka disa të dhëna historike që shpjegojnë këtë ndalim, ekspertët besojnë se është për shkak të besimit në shintoizëm që gjaku menstrual përdhos vendet e shenjta. Teori të tjera janë se ndalimi erdhi nga dëshira për të mbrojtur gratë që lindin nga rreziqet e udhëtimit në det.
Vetëm priftërinjtë mund të qëndrojnë në ishull, me përjashtim të festivalit vjetor më 27 maj, kur lejohet vizita për 200 burra, me kusht që t'i nënshtrohen një rituali pastrimi në të cilin zhvishen lakuriq dhe lahen në ujin e detit. Kur ata largohen, burrat nuk mund të sjellin ndonjë suvenire dhe as të zbulojnë detajet e vizitës së tyre, raportoi BBC.
Zbatimi i të gjitha rregullave e ka sjellë këtë vend në listën e UNESCO-s të trashëgimisë kulturore jomateriale.
© KOHA. Të gjitha të drejtat janë të rezervuara.
