Një copë e asaj që thuhet të jetë patatja më e madhe në botë, do t’i nënshtrohet testimit të ADN-së në Skoci.
Patatja peshon 7.9kg dhe është gjetur në një fermë të vogël në Zelandën e Re.
Colin dhe Donna Craig-Brown po pastronin kopshtin e tyre me perime kur gjetën pataten.
Aktualisht, Libri i Rekordeve të Guinnessit ka në regjistër pataten prej 4.99kg si më të madhen, shkruan The Independent.
Pasi çifti lexoi udhëzimet për tu futur në Guinness, ata dërguan edhe një video të patates dhe një verifikim nga një ekspert i fushës i cili konfirmoi se ishte patate.
Megjithatë, Guinness ka kërkuar prova të tjera, dhe për këtë arsye ata po e dërgojnë t’ia testojnë ADN-në.
© KOHA.
