Një grua e papunë në Britani kishte thyer shishe alkooli në një shitore në vlerë 10 mijë funte dhe atë për pesë minuta.
Ajo kishte humbur kontrollin gjatë mbylljes së dytë të Britanisë për shkak të pandemisë COVID-19. Rasti i saj është dëgjuar në gjykatë të martën.
Barbara Stange-Alvarez shkatërroi shishe të verës dhe birrave ndër të tjera, në vlerë 10 mijë funte në shitoren Aldi në Stevenage.
36-vjeçarja kishte hyrë në shitore dhe kishte shkuar te zona ku mbahej alkooli duke i hedhur përtokë shishet.
Në videot që qarkulluan nëpër rrjete sociale shihej dyshemeja e mbushur me alkool dhe shishe të thyera. Ngjarja kishte ndodhur më 25 nëntor të vitit 2020.
Në video po ashtu shihet se si Stange-Alvarez rrëshqiti dhe ra në xhama të shisheve duke lënduar dorën.
Britanikja u deklarua fajtore ndaj akuzave për dëme të shkaktuara, po ashtu edhe për sulm racor dhe prishje të rendit.
Ajo kishte fyer një pjesëtar të sigurimit në spital ndërsa po dërgohej për të mjekuar plagën në dorë.
Gjykata dënoi Stange-Alvarezin me 12 javë burg me kusht, për një periudhe 18-mujore.
PO ashtu asaj iu tha të marrë ndihmë mentale. Ndërsa ajo duhet t’i paguajë shitores kompensim prej 5000 funte si dhe duhet të paguajë një kosto gjyqësore në vlerë 85 funte.
© KOHA. Të gjitha të drejtat janë të rezervuara.
