Kuriozitet

Burri nga SHBA-ja bleu aksidentalisht dy bileta identike llotarie, fitoi dy “jackpote”

Një burrë nga Karolina e Veriut, SHBA, nuk ishte i sigurt nëse kishte blerë një biletë lotarinë Lucky for Life të shtetit, kështu që ai plotësoi formularin në internet.

"Unë thjesht isha shtrirë në shtrat duke parë një lojë basketbolli në TV dhe nuk mbaja mend nëse e plotësova apo jo", deklaroi Scotty Thomas, 49 vjeç, nga Fayetteville, sipas Lotarisë Arsimore të Karolinës së Veriut.

"Unë vazhdova dhe e plotësova përsëri dhe të nesërmen në mëngjes djali im më pyeti pse kishte dy shuma të ndryshme të listuara. Kuptova dhe mendoja se e plotësova dy herë".

Doli se ai kishte fituar 25 mijë dollarë për çdo vit të jetës. Sipas lotarisë, ky çmim është çmimi i dytë më i madh i shortit të Lucky for Life, pas 1.000 dollarëve në ditë.

“Kur kuptova se fitova, më duhej të shtrihesha në dysheme, sepse vërtet nuk mund ta besoja”, tha Thomas. “Është vetëm një bekim”.

Thomas, një operator kamioni, zgjodhi shumën prej 780 mijë dollarësh për të dyja biletat në vend të pagesave vjetore, sipas lotarisë, duke thënë se donte të investonte në biznesin e tij, të paguante faturat, të ndihmonte familjen e tij dhe ndoshta të blinte një shtëpi.