Kuriozitet

Teksa mediat raportonin për rreziqet në trafik, këmbësorja për pak shpëton nga kamioni

Një grua që po kalonte një rrugë të ngarkuar të Las Vegasit për pak sa nuk u shtyp nga një kamion i madh, në një kohë kur shumë afër vendit të ngjarjes po mbahej një konferencë për media për sigurinë.

KTNV raporton se konferenca po mbahej pikërisht për rreziqet që përjetojnë këmbësorët që kalojnë këtë rrugë.

Teksa mbahej konferenca, Tammy Wotton, shtypi butonin për këmbësorë dhe nisi të ecte në rrugë teksa kamerat e xhironin. Kur mbërriti në mes të rrugës, njerëzit nisën ta thërrasin dhe ajo pa një kamion të madh përpara.

Fatmirësisht shpëtoi.

Zyrtarët kanë thënë se rruga “Boulder” është një nga më vdekjeprurëset në Las Vegas.