Një shishe qelqi e lëshuar në det 37 vjet më parë nga nxënësit e shkollës së mesme në Japoni është gjetur në ishullin e Havait, rreth 6,000 km larg.
Studentët e klubit të shkencave natyrore në Shkollën e Mesme Choshi në prefekturën lindore të Chibas lëshuan shishen më 1984 si pjesë e një projekti për të hetuar rrymat e oqeanit, njoftoi gazeta japoneze Mainichi.
Në total, 750 shishe u vendosën në oqean pranë ishullit Miyakejima të Tokios më 1984 dhe 1985.
Më e fundit u gjet më 2002 në ishullin Kikaijima në prefekturën Kagoshima të Japonisë jugperëndimore. Pastaj në qershor, nëntëvjeçarja Abbie Graham e gjeti shishen në një plazh shkëmbor në Havai. Brenda ishin formularët e kontaktit në japonisht, anglisht dhe portugalisht që shpjegonin se ishte lëshuar në brigjet e Choshi, dhe i kërkonin gjetësit të kontaktonte shkollën.
Abbie dërgoi format e kontaktit përsëri në Shkollën e Mesme “Choshi”, së bashku me një vizatim të saj dhe motrës së saj që hanin sushi, në fillim të shtatorit.
Zëvendësdrejtori Jun Hayashi tha se nuk e imagjinonin se do të gjendej një tjetër shishe 37 vjet më vonë, shkruan Guardian.
Që nga viti 1985, shishet e lëshuara nga shkolla janë gjetur në 17 vende, përfshirë Okinaëa, Filipinet, Kinën dhe bregun perëndimor të SHBA.
-
17 shtator 2021 10:31
-
Shpërndaje në: