Një vizitë në një shtëpi të kujdesit në Belgjikë nga babadimri thuhet se iu kushtoi 75 personave. Këta u infektuan me koronavirus ndërsa njëri vdiq.
Shtëpia e kujdesit thuhet se gaboi kur e pranoi “plakun” për vizitë. Këtë e hodhën në dyshim edhe nga komuna e Molit në rajonin e Flandersit.
“Nevojitet një kërkim me i thellë për të ardhur në përfundim se vizita e tij shkaktoi këtë përhapje të koronavirusit në shtëpinë e kujdesit”, tha një zyrtar, duke shtuar se 61 banorë dhe 14 anëtarë të stafit kanë rezultuar pozitivë.
6 dhjetori është data kur belgët zgjohen herët dhe nxitojnë të takojnë burrin e quajtur babadimër, prej të cilit presin dhurata.
Njeriu që luajti babadimrin në ditën e vizitës, doli pozitiv derisa u tha se ai nuk ndihej i sëmurë.
“Vizitori nuk hyri në çdo dhomë. Udhëheqësit na siguruan se ai i vizitoi vetëm disa zona”, thuhet në njoftimin e komunës për CNN.
Belgjika është prekur rëndë nga koronavirusi. Deri më tani kanë regjistruar 608.137 raste pozitive dhe 17.951 vdekje.
