Një amerikane shtatzënë ka kërcyer në det, në Florida Keys, për ta shpëtuar bashkëshortin e saj që po sulmohej prej një peshkaqeni.
Policia ka bërë të ditur se 30-vjeçari Charles Eddy ishte zhytur në det kur u sulmua prej një peshkaqeni, raporton “New York Post”.
Bashkëshortja e tij, Margot Dukes-Eddy kishte vërejtur se si peshkaqeni po afrohej dhe kishte kërcyer në ujë “pa hezituar”.
Kur kishte arritur që ta nxjerrë bashkëshortin e saj në një vend të sigurt, familjarët tjerë e kishin thirrur policinë.
Ai po trajtohet në spital për lëndime të rënda.
