Aeroplani i parë komercial elektrik në botë kryen udhëtimin e parë

Aeroplani i parë komercial elektrik në botë kryen udhëtimin e parë

11 December 2019 10:14

Një aeroplan krejtësisht elektrik ka arritur që të qohet në ajër në Vancouver të Kanadasë, të cilin operatorët e përshkruajnë si “të parin në Botë” për industrinë ajrore.

Testi i shkurtër i bërë nga Harbour Air e magniX ka përfshirë gjashtë pasagjerë të cilët u bartën me një motor elektrik, transmeton Koha.net.

Kompanitë thonë se ky është hapi i parë drejt realizimit të “udhëtimit komercial të parë në botë nga një avion krejtësisht elektrik”.

Shtyrja drejt elektrikes mund të ndihmoj në zvogëlimin e emetimeve të gazrave e ndotjes së ajrit nga avio-sektori.

“Ky fluturim historik paraqet fillimin e zonës së tretë në aviacion – atë elektrik”, kanë deklaruar kompanitë Harbour Air dhe magniX.

Ky udhëtim u realizua nga aeroplani për gjashtë pasagjerë DHC-2 de Havilland Beaver i cili kishte motorin elektrik me 750 kuajfuqi.

Operatori kanadez i aeroplanëve të detit Harbour Air, shpreson që të elektrifikoj të gjithë flotën e saj deri në 2022-ën.

© KOHA. Të gjitha të drejtat janë të rezervuara.

Komentet

Shto koment

Të ngjashme