Koleksioni më i madh i uiskit në Botë shitet në Australi

Koleksioni më i madh i uiskit në Botë shitet në Australi

10 December 2019 09:40

Koleksioni më i madh i uiskit pritet të dalë në shitje në një shtëpi ankandesh që beson se ky koleksion privat do të arrijë çmimin deri në tetë milionë funte.

Më shumë se 3 mijë e 900 shishe të një uiski të rrallë, kryesisht Skotch, përbëjnë koleksionin që me dekada të tëra e ka mbledhur biznesmeni amerikan Richard Gooding.

E familja e tij ka vendosur që ky koleksion në vitin 2020 të shitet përmes një ankandi online, transmeton KTV.

Shtëpia e ankandeve të uiskit në Perth të Australisë, ka deklaruar se kurrë më parë nuk është shitur një koleksion i tillë.

“Presim që të ketë interesim shumë të madh. Deri më tani në botë nuk ka pasur një koleksion kaq të madh. Janë mijëra shishe që pritet të arrijnë çmimin nga 7 deri në 8 milionë funte”, ka thënë Iain McClune, nga shtëpia e ankandeve.

Pjesë e këtij koleksioni janë disa shishe shumë të moçme që datojnë nga viti 1926.

Në muajin tetor, një shishe e njëjtë ishte shitur për 1.5 milionë funte.

© KOHA. Të gjitha të drejtat janë të rezervuara.

Komentet

Shto koment

Të ngjashme