Vdes gruaja e konsideruar më e vjetra në Rusi

Vdes gruaja e konsideruar më e vjetra në Rusi

31 October 2019 09:31

Tanzilya Bisembeyeva, e konsideruar si gruaja më e vjetër në Rusi, ka vdekur në moshën 123-vjeçare.

Agjencitë ruse të lajmeve kanë cituar familjarët e Bisembeyevas dhe zyrtarët lokalë më 30 tetor të kenë thënë se ajo ka vdekur javën e kaluar dhe është varrosur më 26 tetor në fshatin e saj, në afërsi të kufirit mes Rusisë dhe Kazakistanit.

Dokumentet zyrtare thonë se Bisembeyeva, me etni kazake, ka lindur më 14 mars të vitit 1896.

Ajo ka pasur tre djem, 10 nipër, 13 stërnipër, dhe dy stërstër nipër.

Më 2016, Bisembeyeva është shtuar zyrtarisht në Librin Rus të Rekordeve Botërore si personi më i vjetër në botë.

Mirëpo, siç transmeton REL, ai pretendim nuk është konfirmuar kurrë nga subjektet ndërkombëtare.

Komentet

Shto koment

Të ngjashme