Kuriozitet

Në Egjipt gjenden minj e zogj të balsamosur në varrin 2000-vjeçar

Foto: Reuters

Minj të balsamosur janë gjetur mes artefakteve të zbuluara në një varr të dekoruar që është zbuluar së fundmi në qytetin egjiptian Sohag.

Minjtë dhe kafshët e tjera rrethonin dy trupa njerëzish, të balsamosur, dhe dhoma e varrimit mbante detaje të pikturuara të ceremonive të varrimit dhe njerëzve që punonin në fusha.

Ekspertët thonë se varri është më shumë se 2000-vjeçar dhe mendohet se i përket një zyrtari të lartë të quajtur Tutu dhe bashkëshortes së tij. Ai u zbulua në tetor, kur u kapën disa trafikantë që gërmonin ilegalisht për artefakte.

Mostafa Waziry, Sekretar i Përgjithshëm i Antikiteteve, tha: “Ky varr i mirë dekoruar është ende në gjendje perfekte edhe pse është më shumë se 2000-vjeçar. Kur ne filluam gërmimet gjetëm shumë fragmente, shumë objekte dhe më shumë se 50 kafshë dhe zogj të balsamosur”, transmeton Tch.

Ministria egjiptiane e Antikiteteve shpreson se zbulimi do të tërheqë vizitorë në qytetin e braktisur 390 km në jug të Kajros, afër lumit Nil. Që nga trazirat e vitit 2011, destabiliteti politik i vendit dhe pasiguria kanë goditur rëndë industrinë e turizmit. Dhe ministria shpreson që ky atraksion i ri të ndihmojë në kthimin e vizitorëve.

{gallery}