Japonezja 116 vjeçare shpallet personi më i moshuar në botë

Japonezja 116 vjeçare shpallet personi më i moshuar në botë

11 March 2019 10:26

Tokyo, 11 mars - Një 116 vjeçare japoneze, e cila ka pasion lojën strategjike Othello, nga Rekordet Botërore të Guinessit është shpallur njeriu më i moshuar i gjallë në botë.

Autoriteti global që dokumenton rekordet botërore, në një ceremoni të mbajtur në azilin e pleqve në Fukuoki, shpalli zyrtarisht të moshuarën Kane Tanaku për personin më të moshuar në botë, transmeton AA raportimin e AP-së. Në ceremoninë në fjalë morën pjesë familja e saj dhe kryebashkiaku i Fukuokas.

Tanaka ka lindur më 2 janar të vitit 1903, si fëmija i shtatë nga gjithsej tetë fëmijët e familjes. Në vitin 1922 ajo martohet me Hidea Tanake me të cilin ka lindur katër fëmijë dhe ka një ka adaptuar.

Kane thotë se zakonisht zgjohet në ora gjashtë të mëngjesit dhe ka pasion matematikën.

Para saj, njeriu më i moshuar i gjallë në planet ishte gjithashtu një japoneze, Chiyo Miyako, e cila ndërroi jetë në moshën 117 vjeçare.

Japonezët dominojnë në listën e personave më të moshuar. Në Japoni njerëzit janë aktiv edhe në të tetëdhjetat e tyre, madje edhe më vonë.

Personi më i moshuar i gjallë në histori ishte francezja Jeanne Louise Calment, e cila jetoi 122 vjet.

Komentet

Shto koment

Të ngjashme