LAJMET E MBRËMJES

Sandra Lyn Mitchel thotë se ka bërë vizita në vende të ndalimit të UÇK-së, por s’u lejua të hynte brenda

Pëlqeje KTV Video për të parë video të përzgjedhura nga KOHA
 

Ish-drejtoresha e sektorit të të drejtave të njeriut të misionit që e drejtonte William Walker gjatë luftës ka dëshmuar në Gjykatën Speciale. Ajo tha se kishte kërkuar të shihte brenda vendeve të ndalimit, porse nuk iu lejua asnjëherë hyrja në to.

Sandra Lyn Mitchel, ish-drejtorja e sektorit për të drejtat e njeriut në Misionin Verifikues të Kosovës në kuadër të OSBE-së, ka thënë se UÇK-ja nuk e mohonte faktin që kishte objekte ndalimi.

Gjatë dëshmisë së saj tha se më 18 shkurt të 1999-tës e takoi komandantin e Zonës Operative të Llapit, Rrustem Mustafa, në Llapashticë, ku ishte edhe një qendër ndalimi e ku mbaheshin tetë persona.