LAJMET E MBRËMJES

Kurti i merr meritat, Çitaku ia rikujton gazin lotsjellës, Daçiqi kritikon BE-në

 

Vendimi i ambasadorëve të vendeve anëtare të Bashkimit Evropian që t’ia japin Kosovës dritën e gjelbër për liberalizimin e vizave është përcjellë me reagime në Prishtinë e Beograd.

Kryeministri Albin Kurti e ka mirëpritur vendimin, por Qeverisë së tij ia ka faturuar meritat. Ka thënë se ky vendim është njohje dhe konfirmim i përkushtimit të Qeverisë për sundimin e ligjit, luftën kundër korrupsionit, forcimin e kontrollit kufitar dhe menaxhimin e migrimit.