LAJMET E MBRËMJES

Abdixhiku s’e takon Begajn në Kuvend, me të takohen Krasniqi e Haradinaj

Foto: Alban Bujari \ KOHA
 

Në ditën e dytë të vizitës në Kosovë, presidenti i Shqipërisë, Bajram Begaj, ka takuar kryetarin e PDK-së, Memli Krasniqi, e atë të AAK-së, Ramush Haradinaj. Takimet me ta janë zhvilluar në ndërtesën e Kuvendit. Edhe pse ishte planifikuar edhe një takim me kryetarin e LDK-së, Lumir Abdixhiku, ai nuk ka ndodhur, pasi që ky i fundit ka refuzuar ta takojë Begajn në ndërtesën e Kuvendit.

Ndonëse pjesë e agjendës, presidenti i Shqipërisë, Bajram Begaj, nuk ka zhvilluar takim me kreun e Lidhjes Demokratike të Kosovës (LDK), Lumir Abdixhiku. Ky i fundit nuk ka pranuar ta takojë atë në ndërtesën e Kuvendit të Kosovës, e Begaj s’ka pranuar që të shkojë në selinë e kësaj partie.

Zëdhënësja e LDK-së, Sibel Halimi, në një përgjigje për KOHËN ka thënë se në të shkuarën, të gjithë zyrtarët e lartë të Shqipërisë kanë pranuar të shkojnë në selinë e LDK-së, derisa të njëjtën gjë nuk ka pranuar ta bëjë Begaj.