Kosova është paraqitur në katër periudha të ndryshme. Qysh kur ishte një vend që ëndërronte për pavarësi, kur po kalonte në kohën më të keqe - atë të luftës, gjatë çlirimit dhe në fund, në periudhën e realizimin e ëndrrës - pavarësimit. Protestat ishin mënyra e vetme e shoqërisë kosovare që kërkonte t’i dëgjohej zëri në vitet ’90, shkruan sot “Koha Ditore”.

Pikërisht fotografi të asaj kohe hapin periudhën e parë të koleksionit që është bërë pjesë e ekspozitës “Midis ëndrrës dhe realitetit” të artistes, këngëtares e arkitektes, Eliza Hoxha. Zëri i atyre që protestuan dhe kërkuan të drejtat e tyre u shua përfundimisht në fund të viteve ’90, kur edhe nisi lufta e përndjekja e shqiptarëve prej vendeve të tyre, drejt Maqedonisë, Shqipërisë e Malit të Zi.

Refugjatët kosovarë, përbëjnë momentin e dytë të kësaj ekspozite. Sikur çdo luftë a konflikt edhe kësaj do t’i vinte fundi. E çlirimi, një prej ditëve më të lumtura të të gjithë kosovarëve, po ashtu dokumentohet në fotografitë e Hoxhës. Prej asaj kohe, deri tek shpallja e Pavarësisë më 17 shkurt të vitit 2008, hyn cikli i fundit i ekspozitës.

Krejt këto paraqiten përmes fotografive të ndryshme, të cilat të dielën mbrëma u vendosën në muret e Galerisë së Ministrisë së Kulturës “Qafa” ... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.