Kulturë

Skulpturat greke përballë skandalit diplomatik midis Athinës e Londrës

Skulpturat antike greke prej mermeri të Partenonit në British Museum
 

Athina prej dekadash kërkon që Londra të kthejë skulpturat antike të Partenonit. Anulimi i takimit mes kryeministrit britanik, Sunak, dhe homologut grek, Mitsotakis, tregon ashpërsimin e fronteve mes Londrës dhe Athinës

Në fillim të vitit mediat njoftuan për mundësinë e arritjes së një marrëveshjeje për kthimin në Greqi të skulpturave të lashta të Akropolit. Në janar të 2023-tës Muzeu Britanik në Londër i konfirmoi diskutimet me Athinën për dorëzimin e përkohshëm të tyre. Pak më vonë Qeveria britanike i mohoi ato dhe përjashtoi kthimin e përhershëm.

Kryeministri britanik, Rishi Sunak, nuk donte të fliste me homologun e tij grek, Kyriakos Mitsotakis, në Londër rreth kthimit të skulpturave të Partenonit. Ndaj anuloi takimin e planifikuar me të këtë javë. Tani madje flitet për një skandal diplomatik. Anëtari i Qeverisë britanike, Mark Harper, e arsyetoi anulimin e takimit me fjalët se qëndrimi britanik nuk mund të lëkundet.