Kulturë

“Art Without Limit” mbyll kapitullin që solli universe të pafundme

Me ndarje çmimesh ka përfunduar edicioni i tretë i Festivalit ndërkombëtar të filmit, “Art Without Limit”. Nga përfaqësues të lartë të institucioneve të shtetit të Kosovës, por edhe atyre të huaja, festivali u vlerësua si një shembull i shkëlqyer i përkrahjes së personave me aftësi të kufizuara.

Ceremonia të shtunën mbrëma në “Kino Armata”, nisi me tingujt e pianos së Unik Ukshinit dhe violinës së Engjëll Haxhikadrijajt të cilët bënë për vete publikun i cili i përshëndeti me duartrokitja të pafundme. Megjithatë, hiç më pak emocionuese nuk qe as performanca e dy motrave Blerina e Alda Shalari nga Tirana të cilat, epara në piano dhe e dyta në këndim, interpretuan me mjeshtri, këngën e Louis Armstrongut, “What e Wonderful World”.

Megjithatë, mbrëmja e vërtetë nisi atëherë kur edhe filloi ndarja e çmimeve.Çmimi special iu nda dy filmave shqiptarë: “Koba” të Bujar Gallopenit dhe “Sharing” të Medina Surdulli. Çmimin për filmin më të mirë dokumentare mori “Unë jam burrneshë” iRadiana Vasileva Bozhikova. Në fjalimin e saj, bullgarja Bozhikova falënderoi katër interpretuesit që performuan në hapje. “Ju na duheni në këtë botë të çmendur”, ka thënë ajo.

I pranishëm në ceremoni ka qenë edhe ministri i Kulturës, Hajrulla Çeku, i cili është zotuar se Qeveria do të vazhdojë përkrahjen e kësaj kategorie.

“Ne si Ministri e Kulturës jemi shumë të inkurajuar nga puna qëështë bërë sivjet nga plot organizata që avokojnë dhe mbrojnë të drejtat e personave me aftësi të kufizuara. Brenda mandatit tonë dhe brenda mandatit të kryeministrit Kurti ne zotohemi për t’i dalë zot fjalës sonë. Kemi bërë aq sa kemi mundur, e dimë se mund të bëjmë edhe më shumë, për t’u siguruar edhe mbështetje financiare, por edhe forma të tjera, për të ofruar integrim sa më të plotë për këtë kategori”, ka thënëministri Çeku

Ganimete Sava, drejtoresha e Festivalit “Art Without Limit”,ka folur për rrugëtimin dhe suksesin e edicionit të tretë.

“Pas këtyre ditëve të mrekullueshme që patëm rastin të shohim filma të mrekullueshëm në kuadër të‘Art Without Limit Film Festival’,epo ashtu pas performancave të bukura me të cilat kemi qeshur dhe kemi qarë njëkohësisht dhe shumë aktiviteteve të tjera si ‘Art Without Limit Kids’, diskutime e bashkëbisedime me autorë të huaj dhe vendorë,jam shumë e lumtur që po arrijmë misionin dhe vizionin tonë që përmes festivalit dhe të gjithë hapësirës së dedikuar për personat me aftësi të kufizuara, të shfaqin talentet e tyre”, ka thënë ajo para të pranishmëve teksa bëri të ditur që në këtë edicioni festivali u ka dhënëhapësirë për paraqitje të filmave dhe performanca të tjera, mbi njëqind personave.

Çmimin në kategorinë “Filmi më i mirë i animuar” e mori “What really Helps” i regjisores Katharina Weikl nga Zvicra.Në mungesë të regjisores, çmimi e pranoi zëvendës ambasadorja e Zvicrës në Kosovë, Pauline Menthonnex Gacaferri.

“Faleminderit shumë në emër të Katharina Weiklit, e cila nuk mundi të ishte këtu sonte edhe pse ajo deshi shumë. Jashtë futbollit dhe sportit, i cili i lidh dy shtetet tona, një gjë shumë e rëndësishme, si të qenët afër personave me aftësi të kufizuara,është njëra ndër gjërat më të vlefshme që ne mund të ndajmë me njëri- tjetrin”, ka thënë Menthonnex-Gacaferri

Ndërkaq çmimi “Storia më e mirë për të drejtat e personave me aftësi të kufizuara” iu nda dy filmave: “Rannaa” (Light) i regjisorit pakistanez, Aamir Khan Millizai dhe “Lulebore” i regjisorit Gentian Miga nga Shqipëria. Për të marrë çmimin “Luleborë”, përveç regjisorit, në skenë doli edhe kompozitorja Blerina Shalari, e cila shprehu admirimin e saj për këtë festival.

“Jam e prekur në fakt sepse ky çmim vjen nga Shqipëria përtej Drinit. Ne që dikur e shihnim Kosovën si një vend i cili prodhonte vetëm martirë, vetëm luftë për liri mendoj se tani e ka arritur një shkallë të lirisë, duke krijuar këtë festival”, ka thënë Shalari.

Rëndësinë e një festivali të tillë në Kosovë e vlerësoi edhe ambasadori i Shqipërisë në Kosovë, Qemajl Minxhozi.

“Ky festival është diçka e jashtëzakonshme për Kosovën që ajo si një vend i shtypur, një vend që ka pasur eksplodime të jashtëzakonshme për sa u përket njerëzve që kanë humbur jo vetëm jetët, por edhe gjymtyrët, arrin që sot të bëhet një shembull për të treguar tolerancë, për të treguar bashkëpunim që ta lehtësojmë dhimbjen për këdo, qoftë atë që jeton në Kosovë, qoftë Argjentinë, Spanjë dhe nëtë gjithë botën. Gjeografia e kësaj mbrëmjejeështë e mahnitshme”, u shpreh Minxhozi.

Çmimin në kategorinë “Storia më e mirë e cila e tregon fuqizimin e gruas” shkoi për “First step Swim” të regjisores Caitlin McMullan. Çmimin e ndau regjisorja e njohur e filmi, Linda Gasser nga Gjermania.

“Jam shumë e lumtur që po e ndaj këtë çmim. Kemi parë shumë filma që na kanë inspiruar dhe na kanë befasuar. Filmi ka aftësinë që të na çojë në vende ku nuk kemi qenë kurrë dhe të shohim botën përmes njerëzve që ndoshta nuk do të mund t’i takonim kurrë”, është shprehur Gasser.

Çmimi për storien mëtë mirë në film shkoi për “Superated partners of the same dream” të regjisorit argjentinas, Pablo Hernan Aulita, ndërsa ai për më të mirin artisik i cili u shfaq edhe në hapjen e festivalit, “Aa Irish Googbye” të regjisores Alexadra Fowd. Çmimi Art Without Limit shkoi për “Up to the stars”të Alejandra Villegas Orozco nga Gjermani,e cila publikut iu drejtua me fjalët: “Gjithmonë ndiq ëndrrat e tua, sepse ky festival na dëshmon se plotësimi i tyre është me të vërtetëi mundur”.

Lidhur me këtë edicion dhe vështirësitë e shumta, për KOHËN ka folur edhe drejtori artistik i festivalit, Burim Haliti.

“Edicioni ka qenë shumë i ngjeshur. Ne realisht nuk e kemi ditur se kemi punuar më shumë sesa që i kemi pasur ditët e festivalit. Jemi munduar t’i ngjeshim eventet. I kemi pasur diku mbi 1000 filma që kanë aplikuar dhe të gjitha filmat janë rreth temës së personave me aftësi të kufizuara dhe secilin film që duhet ta refuzosh të dhimbset, por megjithatë, ne kemi zgjedhur 50 nga ta, të cilët kemi menduar se janë më të mirët”, ka thënë Haliti.

Duke folur për rëndësinë e filmave të përzgjedhur, Haliti u ndal te dy prej tyre.

“Në filmin që u shfaq në hapje ‘An Irish Goodbye’ luajnë aktorë shumë të njohur evropianë. Janë aktorë që kanë luajtur edhe në‘Game of Thrones’ dhe seriale të tjera tëmëdha, por filmi është i realizuar në mënyrë perfekte. Edhe filmi tjetër ‘Burrneshat’ një film qëështë bërë nga një regjisore bullgare ,por që e ka trajtuar aq mirë, saqë edhe ne si shqiptarë nuk e di nëse do të mund ta trajtojmë aq mirë”, ka thënë ai.