Kulturë

Nobelisti përkrahës i Millosheviqit “rikthehet” në Ferizaj si denoncim

Pas rikthimit në Ferizaj, nëntori do ta gjejë “The Handke Project” në Bosnjë e Gjermani (Foto: Etnik Nrecaj)

Pas turneut nëpër rajon e me gjerë, “The Handke Project”, që zhvesh nobelistin austriak, mik të Sllobodan Millosheviqit, Peter Handke, është rikthyer në Ferizaj. Është stacionuar aty për të dytën herë me radhë, tash në edicionin e 52-të të Festivalit të Teatrove. Pritja ka qenë e jashtëzakonshme. Radha për të hyrë brenda në teatër ka qenë e gjatë. Po gjatë janë ndier edhe duartrokitjet në fund të shfaqjes, të cilat e kanë rikthyer kastën e aktorëve disa herë në skenë.

 

Përderisa gjendet në mes të turneun që e ka nisur në rajon e më gjerë, “The Handke Project” është rikthyer në Ferizaj, aty ku u dha në qershorin e sivjetmë, tash në Festivalin e Teatrove. Me të njëjtin intensitet, shfaqja me tekst të Jeton Nezirajt, në regji të Blerta Nezirajt, denoncon nëpërmjet nobelistit austriak, Peter Handke, hipokrizinë globale ndaj krimit

Pas turneut nëpër rajon e me gjerë, “The Handke Project”, që zhvesh nobelistin austriak, mik të Sllobodan Millosheviqit, Peter Handke, është rikthyer në Ferizaj. Është stacionuar aty për të dytën herë me radhë, tash në edicionin e 52-të të Festivalit të Teatrove. Pritja ka qenë e jashtëzakonshme. Radha për të hyrë brenda në teatër ka qenë e gjatë. Po gjatë janë ndier edhe duartrokitjet në fund të shfaqjes, të cilat e kanë rikthyer kastën e aktorëve disa herë në skenë.

Ndërkaq sa u përket tematikës dhe mënyrës së trajtimit, shfaqja me tekst të Jeton Nezirajt, nën regji të Blerta Nezirajt, është prej të rrallave sa i përket guximit. E përplas realitetin nga rrafshi ballkanik në atë global. Ironia është një prej elementeve kryesore. Mirëpo asnjëherë si ekzagjerim apo një version fiktiv, por vetëm në suaza të ngjarjeve të vërteta.