Kulturë

Arti e libri rikthejnë fëmijët në bibliotekën e dikurshme

Bienalja Nomade Evropiane ia ka rihapur dyert ish-bibliotekës “Hivzi Sulejmani”, me një pamje tjetër pas restaurimit. E aty i ka rikthyer edhe fëmijët. Arti e libri kanë qenë ato që i kanë bërë bashkë
 

Ish-bibliotekës “Hivzi Sulejmani”, të mbyllur e të lënë pas dore tash e disa vjet, i janë rihapur dyer si Qendër për Praktikë Rrëfyese nga “Manifesta 14”. E aty janë rikthyer edhe fëmijët. Kanë qenë artisti Jakup Ferri e shkrimtarët Xhevat Syla e Arbër Selmani që kanë bashkëbiseduar me ta për botën e artit e të librit

Shpjegimi i parë që i bëhet asaj që ka marrë emrin Qendra për Praktikë Rrëfyese është se ajo është hapësirë për rrëfimtari. Dikur ka qenë biblioteka “Hivzi Sulejmani” në lagjen “Tophane” një adresë e përditshme e fëmijëve të lagjes dhe jo vetëm.

E mbyllur para gjysmë dekade, Bienalja Nomade Evropiane ia ka rihapur dyert me një pamje tjetër pas restaurimit. E aty i ka rikthyer edhe fëmijët. Arti e libri kanë qenë ato që i kanë bërë bashkë pasditen e së shtunës. Artisti Jakup Ferri e shkrimtarët Xhevat Syla e Arbër Selmani kanë qenë aty për të vizatuar e bashkëbiseduar me ta.