Kulturë

“Larg shpisë” në ballafaqimin me të kaluarën si refugjatë

Tri rrëfime refugjatësh artisti Artan Hajrullahu i ka transformuar në vepra të artit pamor me ekspozitën “Larg shpisë”, e hapur të martën në Muzeun Kombëtar të Kosovës

Tri rrëfime nga Muzeu Virtual i Refugjatëve i kanë shërbyer artistit Artan Hajrullahu si bazë për realizimin e dhjetë veprave të tij më të reja. Në pako letre me laps ka realizuar imazhet që i kanë ardhur në mendje pas leximit të rrëfimeve të Sabernete Nurajt, Sabri Hasanit dhe Brankos. Të martën këto vepra janë ekspozuar në Muzeun Kombëtar të Kosovës.

 

Ekspozita “Larg shpisë”, e hapur nga Muzeu Virtual i Refugjatëve në bashkëpunim me artistin Artan Hajrullahu, synon të frymëzojë qytetarët që të bashkohen në kërkesën ndaj institucioneve përgjegjëse për zbatimin e mekanizmave të duhur për ballafaqimin me të kaluarën. Artisti vizualizon në art pamor rrëfimet e refugjatëve. Emëruesi i tyre i përbashkët është kujtesa kolektive

Tri rrëfime nga Muzeu Virtual i Refugjatëve i kanë shërbyer artistit Artan Hajrullahu si bazë për realizimin e dhjetë veprave të tij më të reja. Në pako letre me laps ka realizuar imazhet që i kanë ardhur në mendje pas leximit të rrëfimeve të Sabernete Nurajt, Sabri Hasanit dhe Brankos. Të martën këto vepra janë ekspozuar në Muzeun Kombëtar të Kosovës.

Ato kanë kthyer vëmendjen te Muzeu Virtual i Refugjatëve – i themeluar në vitin 2018 – që shërben si një hapësirë për memorializim dhe dokumentim të përvojave të refugjatëve përmes rrëfimeve audio. E sipas përshkrimit në ueb-faqe kjo hapësirë kontribuon në njohjen simbolike të vuajtjeve dhe shkeljeve të të drejtave themelore të civilëve gjatë luftës në Kosovë. Është krijuar nga organizata “Youth Initiative for Human Rights”.