Kulturë

“Urban Sprawl” për lëvizjet që prodhuan zgjerimin kaotik të qyteteve

Prishtinë, 6 korrik – Projekti, i cili ka për qëllim eksplorimin e gjendjes së peizazheve periferike në Kosovë dhe në Zvicër, krahason situatën mes dy vendeve. Del të mos jetë shumë e ndryshme, ani pse flitet për dy shtete që fillimisht dallojnë për nga dendësia e më pas edhe nga gjendja ekonomike dhe zhvillimi, shkruan sot Koha Ditore.

Ky projekt i quajtur “Urban Sprawl” përshkruan rritjen e popullsisë jashtë qendrës urbane. “Sprawl” si term në arkitekturë ka konotacion negativ ku përshkruhet një lloj kaosi dhe mungesë rendi në planifikim urbanistik. Prandaj ky projekt zvicerano-kosovar mëton që të ofrojë një platformë për praktikuesit dhe hulumtuesit në të dyja shtetet për nderimin e bazave të përbashkëta që i lejojnë të mendojnë së bashku për të ardhmen e këtyre hapësirave.