Kulturë

“E kam këshilluar patriarkun serb të hapë edhe TikTokun dhe në inaugurimin e ardhshëm t’i thërrasë edhe disa valltare striptizi“

 

Nga një intervistë ironike, therëse dhe argëtuese e shkrimtarit nga Beogradi Svetisllav Basara, ku flet për identitetet negative në Ballkan, për kombet e vonuara, për rrenat e mëdha të ndërtuara përmes mitit të Kosovës, për popullizmin e Aleksandar Vuçiqit, për Serbinë si despoti orientale që nga principata e Serbisë deri te pushteti i sotëm.

■ Svetisllav Basara është shkrimtar nga Beogradi. Me gjasë nuk i pëlqen ta quajnë shkrimtar serb. Korniza nacionale për të është e ngushtë. Basara është provokator fantastik dhe qëllimmirë. I ngjan Thomas Bernhardit, autorit austriak për të cilin thuhet se askush nuk e ka sharë Austrinë më mirë se ai. Për Basarën mund të thuhet: askush nuk i demonton më mirë mitet serbe se Basara.