Kulturë

Tashi kujton Mikullovcin me mozaik prej druri

 

Skulptori Nagip Tashi e ka kujtuar në njëvjetorin e vdekjes aktorin Adem Mikullovci me një portret të tij me copëza druri.

“Unë, me dy javë përkushtim për realizimin e portretit të aktorit tonë të dashur Adem Mikullovcit u lodha edhe psiqikisht edhe fizikisht. Po këta Adem-at e tonë që gjatë gjithë jetës ishin në shërbim të kombit për liri e pavarësi, është dashtë me u dorëzu a? E në shenjë respekti për kontributin e dhënë në botën e artit e kulturës mbarëkombëtare sot në njëvjetorin e vdekjes po e kujtoj Ademin me një portret mozaik të punuar me shumë pasion, ashtu sikur ai e kishte për teatrin!” ka shkruar ai në njoftimin e tij.