Kulturë

Rrugëtimi midis ritmeve popullore si nxitje për bateristët

Me mëtimin për të nxitur brezin e ri të bateristëve për të krijuar në tabanin e traditës shqipe, profesori i baterive, Faton Aliu, në librin e tij ka veçuar plot 49 këngë popullore

Në fillim ishte ritmi. Bukuria e thesareve të këngëve popullore shqipe nuk është vetëm vargëzimi lirik që jep një botë të pafundme ndjesish, emocionesh e gjendjesh. Për veshin profesionist, në zemër të krijimeve të tilla është ritmi.

 

Pa ritmin e masat ritmike, kënga e muzika nuk mund të ekzistojë. Me këtë anatomi unike, e larmishmja muzikë folklorike shqipe është një nga më të rrallat në krejt truallin evropian e më gjerë. Me librin e tij profesori i baterive, Faton Aliu, “Rrugëtime ritmike në këngë shqipe”, ai i ka sjellë literaturës muzikore shqipe të parin botim që do t’u hyjë në punë bateristëve të rinj. Promovimi i bërë mbrëmjen e së hënës në Sallën e Kuqe, është përcjellë në mënyrë të dyfishtë mes vlerësimeve të etnomuzikologëve dhe interpretimeve të këngëve të shtjelluara në libër nga këngëtarët Majlinda Cikaqi, Visar Peja, Xhavit Sadiku, Enkelejda Arifi dhe Ramadan Krasniqi

Në fillim ishte ritmi. Bukuria e thesareve të këngëve popullore shqipe nuk është vetëm vargëzimi lirik që jep një botë të pafundme ndjesish, emocionesh e gjendjesh. Për veshin profesionist, në zemër të krijimeve të tilla është ritmi.

Me 49 krijime të përzgjedhura nga tabani popullor, profesori i baterive Faton Aliu ka shkoqitur shumëngjyrësinë e ritmikes së këngëve tradicionale popullore.