Kulturë

Qeramikat e bashkuara në ekspozitë – mozaik i transformimit artistik

Laramania e ngjyrave, transformimi i formave, detajimi estetik, krijimi i elementeve të reja, janë disa prej karakteristikave në veprat e ekspozuara, e që Lirije Bulliqi i ka realizuar gjatë shtatë vjetëve

“Arti është proces, nuk është produkt”, e dëshmi e kësaj thënieje të studiueses amerikane MaryAnn Kohl u bë ekspozita personale e Lirije Bulliqit, e cila u hap të martën në Galerinë e Ministrisë së Kulturës.

 

Më shumë se 60 vepra të Lirije Bulliqit në material tejet delikat – siç është qeramika – e bindën edhe një herë publikun që arti frymon me lirinë bohemiane, duke mundësuar që procedurat përpunuese të materialit – pjekja, terja e deri te finalizimi – t’ia ndërrojnë dukjen dhe t’i sjellin risi pamjesh edhe vetë artistes

“Arti është proces, nuk është produkt”, e dëshmi e kësaj thënieje të studiueses amerikane MaryAnn Kohl u bë ekspozita personale e Lirije Bulliqit, e cila u hap të martën në Galerinë e Ministrisë së Kulturës.

Shtatë vjet punë të skulptores, e cila për katër dekada ka qenë pjesë e stafit të Galerisë Kombëtare të Kosovës, janë shkrirë në copëza qeramikash me teknikën raku, duke qenë një bashkëdyzim midis punës me pasion e dashuri dhe profesionalizmit artistik.