Kulturë

Dua Lipa ia dedikon çmimin infermieres 74-vjeçare

Dua Lipa me ta pranuar çmimin për këngëtaren me të mirë britanike i është bashkuar iniciativës për t’ia dedikuar çmimin e saj dikujt tjetër, duke e thirrur kryeministrin britanik Boris Johnson që të realizojë propozimin për t’i rritur pagën për 1 për qind punonjësve të vijës së parë gjatë pandemisë.

“Unë kam zgjedhur që çmimin tim ta ndajë me Elizabeth Anionwu. Ajo e ka kaluar karrierën e saj të mrekullueshme të infermierisë duke luftuar pabarazitë racore. Ajo gjithashtu ka kaluar kaq shumë kohë dhe është një promovuese e fortë për mbrojtjen e punëtorëve të vijës së parë të frontit. Ajo gjithashtu ka thënë se ekziston një pabarazi masive midis mirënjohjes dhe respektit për punëtorët e vijës së frontit sepse është shumë mirë të duartrokasim për ta, por ne duhet t'i paguajmë ata. Prandaj, unë mendoj se ajo që duhet të bëjmë është që ne të gjithë duhet të japim një duartrokitje masive dhe t'i japim Borisit një mesazh që të gjithë mbështesim një rritje të drejtë të pagave për vijën tonë të parë të frontit”, ka thënë Lipa.

74-vjecarja Elizabeth Nneka Anionwu është një infermiere britanike, administratore e kujdesit shëndetësor, lektor dhe profesor e Infermierisë në Universitetin e Londrës Perëndimore.