Kulturë

Dirigjentja që frymëzoi gratë shqiptare nderohet me titullin “Mjeshtër i Madh”

Dirigjentja që frymëzoi gratë shqiptare nderohet me titullin “Mjeshtër i Madh”
Për kontributin e saj si dirigjente e drejtuese kori, të hënën, me rastin e Ditës Ndërkombëtare të Gruas, dirigjentja Suzana Turku është nderuar nga Presidenca shqiptare me titullin e lartë “Mjeshtër i madh”
 

Të qenit grua dirigjente është e rrallë edhe në vendet e zhvilluara. Por edhe kështu, Suzana Turku, me pasionin e saj, provoi që gjithçka është e mundur. Për kontributet e shumëfishta në dirigjim, kore dhe skenën muzikore, madje edhe me koncerte në periudha të vështira si pandemia, Suzana Turku është nderuar me titullin e lartë presidencial “Mjeshtër i Madh” gjatë një ceremonie solemne të mbajtur në mjediset e Presidencës shqiptare

Nga fëmijëria e saj në Pallatin e Pionierëve, studimet në Liceun Artistik, Institutin e Lartë të Arteve e deri te dirigjimet në Teatrin e Operës dhe Baletit, rrëfimi i saj vazhdon të jetë shembull frymëzues për të gjitha gratë shqiptare.

Me përnjohjen e kontributit të saj artistik, me rastin e 8 Marsit – Ditës Ndërkombëtare të Gruas, dirigjentes Suzana Turku të hënën i është akorduar titulli i lartë “Mjeshtër i Madh” për personalitetet e shquara të kulturës, artit dhe muzikës shqiptare.