Kulturë

I pari Skënderbe në Kosovë

I pari Skënderbe në Kosovë
Inaugurimi i bustit të Skënderbeut, më 13 prill 1968, në Gjimnazin e Kaçanikut, nga drejtori Bedri Hysa. Autor i veprës ishte Musa Mehmeti

Ylber Hysa po e shikonte me sytë katër arsimtarin e artit figurativ teksa po ia jepte argjilës formën dhe imazhin e kryeheroit të shqiptarëve. Babai drejtor, Bedri Hysa, ia kishte besuar Musa Mehmetit punimin e bustit të parë të Skënderbeut në Kosovë. Në Kaçanikun e grykës. Ishte pranvera e hershme e vitit 1968.

 

Ishte 13 prilli i vitit 1968, kur në shkollën e mesme në Kaçanik do të zbulohej busti i Skënderbeut. Kishte nxitur të madh e të vogël në Kaçanikun e fundviteve ‘60 që të interesoheshin më shumë për figurën më të rëndësishme të historisë shqiptare – deri atëherë pak të njohur në mesin e shqiptarëve të Kosovës së ripushtuar pas përfundimit të Luftës së Dytë Botërore. Edhe atëherë, edhe sot, i pari bust i Skënderbeut zbërthehet jo vetëm si “përpjekja e parë me tredimensionalizu prezencën e Skënderbeut si kult dhe si kulturë”, por edhe përpjekja e vetënjohjes, krenarisë, identitetit

Ylber Hysa po e shikonte me sytë katër arsimtarin e artit figurativ teksa po ia jepte argjilës formën dhe imazhin e kryeheroit të shqiptarëve. Babai drejtor, Bedri Hysa, ia kishte besuar Musa Mehmetit punimin e bustit të parë të Skënderbeut në Kosovë. Në Kaçanikun e grykës. Ishte pranvera e hershme e vitit 1968.

“E mbaj mend si fëmijë artistin duke punuar përditë në një hapësirë afër shkollës”, kujton Ylber Hysa, ambasador i Kosovës në Mal të Zi. Komuna e Kaçanikut katër vjet më parë kishte marrë vendim që të hapej gjimnazi, por gjithçka nisi të jetësohej në vitin 1967/68, kur në bankat e shkollës do të uleshin 75 gjimnazistët e parë – shtatë prej tyre vajza. Shkolla e mesme fillimisht do të vendosej në klasat e fillores “Emin Duraku”. Ama vëmendjen e opinionit lokal do ta rrokte emri i shkollës së re.