Kulturë

“Tha” për rezistencë ndaj muzikës komerciale

Dyshja Dritëro Nikqi dhe Bledi Boraku ka tetë vjet që bashkëpunon në muzikë. Aftësitë e tyre si muzikantë, kompozitorë, producentë e aranzhues i kanë bashkuar gjithmonë për të krijuar diçka më ndryshe. Eksperimentimi në studio sikur është pjesë e pandashme e punës së tyre.

Kanë realizuar disa projekte për njëri-tjetrin, si dyshe apo edhe për bende të tjera. Ani pse nuk jetojnë në një shtet - Boraku në Shqipëri dhe Nikqi në Kosovë - gjuha, veçmas ajo muzikore, i ka bërë një, shkruan sot “Koha Ditore”.