Kulturë

Artizania e ngjyrave të lidhjes së njeriut me natyrën

“Kujdes me ngjyrën”, është një nga këshillat që marrin fëmijët dhe të rriturit. Përderisa Hoko Tokoro përvjel mëngët për të pastruar në ujë njërën prej shamive, kujdeset që pjesëmarrësit të mos prekin me ngjyrë rrobat e tyre. Tokoro (76) ka udhëtuar në 24 vende të botës. Krejt këtë e ka bërë me misionin që të promovojë tekniken japoneze të ngjyrosjes së rrobave, “Kusaki-zome”, shkruan sot “Koha Ditore”.

Ka energji që të merret me secilin që ka marrë pjesë në punëtorinë, ku nikoqir ishte Muzeu i Kosovës. Shëtit gjithandej hapësirës ku janë shpërndarë kovat me ngjyrë.